NAGISING akong nakahiga na sa malambot na kama at nakakumot pa. Nanghihina akong bumangon, pero pagkabangon ko ay para akong nagulat nang mahulog ang kumot sa katawan ko at makitang wala pala akong kahit na anong saplot, saka ko lang naalala na nawalan nga pala ako ng malay nang nakahubad.
Nang pakiramdam ko ang katawan ko ay wala naman akong naramdaman na kakaiba maliban sa sakit ng mga pasa ko. Tingin ko ay wala namang ginawa sa akin ang lalaking 'yun habang wala akong malay. Sabagay, mukhang wala naman sa katauhan niya ang pagiging rapist o manyak, pagiging demonyo lang ang meron siya.
Agad kong nilibot ang tingin sa buong paligid ng kuwarto, pero walang katao-tao, wala rin akong narinig na ingay mula sa labas. Nang mapatingin ako sa aking kamay ay hindi na ito nakaposas pa.
Kahit n
