=LYRA=
NAGTATAKA ako sa kinikilos ni Aljon. Ilang beses ko na rin siyang nakikita na may kausap sa cellphone. Tapos nalaman ko sa ospital na laging umaalis. At ngayon naman ay sinabi niya sa akin susunduin daw ako ng mga kakambal ko. Saan naman kaya kami pupunta at bakit hindi siya kasama?
“Loiz, magsabi ka sa akin ng totoo kung saan tayo pupunta. Isa pa bakit pati sila ni Yaya ay kasama?”
“Sikretong malupit Ate Sungit, kaya huwag ka ng magtanong, okay?”
“Ano ang sikretong malupit na yon at kung tamaan ka kaya sa akin? Kung ano-anong salitang kalye ang nalalaman mo huh!”
“Aba, huwag at masakit kang manapak. Basta konting tiis lang muna at malalaman mo rin pagdating natin doon.”
“Baka anong kalokohan yan, Loiz?”
“Hindi ah, bakit naman kita dadalhin sa kalokohan ay kilalang kilala kit
