=LYRA=
NAKAMASID lang ako sa aking mag-ama habang magkatabi silang natutulog. Masasabi kong hindi biro ang bumuo ng pamilya. Noon akala ko easy lang ang lahat lalo na kapag nakakakita ako ng masayang pamilya na namamasyal sa mall o sa park. Maraming magkakapatid na punong puno ng kagalakan habang nagtatawanan. At gano’n pamilya ang pangarap ko, subalit ng maranasan ko kung gaano kahirap ang manganak ay nakaramdam ako ng lungkot.
Nang mga oras na humihilab ang aking tiyan ay pakiramdam ko’y ikamamatay ko. Nariyan nga si Aljon, Tito and Tita ko. Pero hanggang moral support lang ang kaya nilang ibigay. At nang mga sandaling iyon ay sinabi ko sa aking sarili na hinding hindi na ako muling magpabuntis kay Aljon. Dahil ako lang naman mag-isa ang nahihirapan at nalagay sa bingit ng kamatayan.
