“Uhmm L-Len? Uwi na tayo?” nag-aalangang tanong ni Bendita sa kaibigan at niyugyog pa ito nang bahagya.
Nasa may bukana pa rin sila ng rooftop at nakatitig pa rin sa mga kasama nilang nagkakasiyahan sa pagkanta. Iba na ang sumalang doon sa karaoke. Nagkukumpulan na rin ang mga katrabaho nila roon.
“Ha? Bakit? Grabe, ang KJ mo naman,” sabi pa nito at saka humikab pa.
Nakagat niya ang labi at agad na nag-iwas ng tingin. Hindi siya nagsalita. Napalunok pa ulit siya, hindi alam kung anong sasabihin. Ayaw niyang pumunta roon. Ayaw niyang lumapit. Sa huli ay bumuntong-hininga siya at mahigpit na humawak sa braso ni Lena.
“Please, Len, tara na lang please?”
“Ha? Teka lang naman bakit ka ba kasi nag-“
“Bendita, Lena! Uy nandiyan pala kayo! Tara kantahan tayo!” Hindi na natapos ni Lena ang ka
