HINDI maka-get over si Rain sa naabutang senaryo. Seryosong nag-usap sina Kaiden at Dion at sabay pang nanood ng erotic movie.
“Akala ko mamaya ka pa pupunta,” aniya nang makaupo na sila ni Dion sa couch.
“Napaaga ang break namin at hindi buo ang cast kaya pinagliban ang taping,” ani Dion.
“Paano ka pala napunta rito? I mean, dito sa study?” usisa niya.
“I called you, but Kaiden answered the call.”
Mulagat siyang tumitig kay Dion. “Sa phone ko?” untag niya.
“Yap. Naiwan mo rito ang phone mo.”
Natutop niya ng palad ang kaniyang noo. Tumayo siya at kinuha ang kaniyang cellphone na naiwan sa study table. Wala talagang pakundangan si Kaiden. Talagang pilyo ito.
Binalikan din niya si Dion. “Ano naman ang pinag-usapan ninyo?” pagkuwan ay usisa niya.
“Usapang lalaki,” amuse nitong tugo
