NASORPRESA si Rain nang maabutan ang kaniyang ina sa opisina ni Kaiden. At ang una niyang napansin ay ang bakas ng luha sa pingi ng ina. Ni hindi siya nito tinapunan ng tingin nang magkasalubong sila. Wari may isang kabang bigas na dumagan sa kaniyang dibdib. Umahon ang mabibigat na emosyon. She can’t afford to lose her mother’s care for her.
“Ano’ng nangyari?” tanong niya kay Kaiden. Gumaralgal ang kaniyang tinig. Ginupo siya ng kaba sa isiping inaway ng kaniyang ina si Kaiden.
“Uh, wala naman. Nagbigay lang ng proposal ang mama mo,” kaswal na tugon ni Kaiden. Malapad itong ngumiti.
Hindi siya kumbinsido. Malakas ang kutob niya na may pinag-usapang personal ang dalawa. Kung hindi lang siya nagmamadali ay uusigin niya si Kaiden. Kaso nagsadya lamang siya roon para magpapirma ng importan
