PAGKATAPOS ng fashion show ay nilibot pa nila Rain at Dion ang Italy kasama si Alejandro. Ginamit nila ang chopper nito kaya sulit ang pamamasyal. Inabot pa sila ng dalawang araw sa bansa bago nagpasyang bumalik ng Pilipinas.
Hindi naman ulit inusig ni Dion si Rain tungkol kay Kaiden. Pero kailangan niyang mag-ingat dahil pinakikiramdaman siya ni Dion. Dahil sa pagtagal nila sa Italy, hindi na siya inabala ni Kaiden, ni hindi sumagot sa mensahe niya. Sinabi naman niya lahat ng naganap sa Italy.
Madaling araw silang nakauwi ng Pilipinas at sa condo niya dumiretso si Rain. Gusto muna niyang ipahinga ang kaniyang isip at hindi pa handang harapin ang kaniyang ina. Sa haba ng biyahe ay ilang oras lang ang naitulog niya. Kaya buong magdamag at araw siya natulog.
Ginising siya ng walang tigil
