SUMABAK na kaagad sa acting workshop si Rain kaya mas naging busy siya. May dalawang endorsement siyang pinirmahan na magsisimula na rin ang taping sa linggong iyon. Kahit kaliwa’t kanan ang proyekto, araw-araw pa rin siyang nagre-report sa Demir agency. Madalas ay late sa gabi na siya nakauuwi.
Lunes ng umaga ay late siyang dumating sa opisina at humabol sa meeting. Hindi pa sila nakapag-usap ni Kaiden simula noong dumating siya mula Italy. Palagi rin itong umaalis at minsan ay hindi natutulog sa mansiyon. Wala itong update sa buhay nito.
Naisip niya na mas mainam na iyong hindi sila madalas magkita upang makaiwas sa gulo. Inuusig na rin kasi siya ng ina tungkol sa kakaibang kilos ni Kaiden.
Namangha siya nang maabutan si Kaiden na tila alam na ang pasikut-sikot sa kumpanya. Ito ang na
