HINDI maganda ang mood ni Kaiden. Mukhang may nangyari na namang hindi maganda. Tumuloy pa rin sa dining si Rain dahil hindi pa siya naghahapunan. Lumuklok siya sa silyang katapat ni Kaiden.
“Hi!” kaswal niyang bati sa binata.
Tipid lang itong ngumiti at biglang tumayo. “I’m done,” anito.
Sinundan niya ito ng tingin. “Okay ka lang ba?”
“Hm, medyo hindi.”
“Bakit?”
Hindi siya nito sinagot. “We will talk later,” sa halip ay sabi nito saka lumisan.
Inasikaso naman siya ng kawaksi at dinagdagan ang ulam. Mamaya ay dumating ang mama niya.
“Akala ko hindi ka rito kakain,” anang ginang.
“Magtatagal lang ako kung kakain pa ako sa labas,” aniya sa malamig na tinig.
Umupo sa tapat niya ang ginang. “Hindi ka ba niyaya ni Dion mag-dinner?”
“Busy siya, Ma. Malayo ang venue ng taping nila at n
