HINDI na nakausap ni Rain si Kaiden dahil umalis din kaagad ito. Sinamahan naman siya ni Dion sa ICU kung saan ang kaniyang ina at si Lucio. Siya lang ang pinapasok ng nurse. Talagang pinagtabi ang mag-asawa. Naroon na rin si Kaiden, inasikaso ang kailangan ng daddy nito.
Wala pang malay ang mama niya, si Lucio naman ang gising pero hindi makagalaw at makapagsalita. Bawal ang maingay kaya hanggang tinginan lang sila ni Kaiden. Okay lang namang magsalita basta mahina.
Umupo siya sa silyang nasa paanan ng mama niya, may isang dipa ang agwat kay Kaiden.
“Kumusta ka na?” mamaya ay tanong ni Kaiden.
Sinipat niya ito. Natutukso siyang ipagtapat kay Kaiden ang tungkol sa pagbubuntis niya ngunit naunahan na siya ng takot.
“Okay na ako. Normal na ang BP ko,” aniya.
“May ginawa bang hindi maga
