NANINIKIP ang dibdib ni Rain habang pinagmamasdan ang nahimbing niyang ina. Habang palapit ang oras ng operasyon nito, wari bibitayin siya sa kaba. Dumagdag pa ang mga sinabi ni Lucio sa kanila ni Kaiden. She doesn’t know how to manage her emotions at the moment. Nagkasya na lamang siyang lumuha.
Okay na sana sa kaniya ang malamang tanggap na ni Lucio ang pagmamahalan nila ni Kaiden. Ngunit ang kaniyang ina ang pumipigil sa kaniya upang palayain ang pusong nagsisilakbo.
Naudlot ang kaniyang pagluha nang may dumating na bisita. Ang kaniyang pighati ay nahalinhan ng kaba nang masilayan si Dion na siyang pumasok. May dala itong punpon ng bulaklak at isang basket na prutas.
Hindi siya tumayo at hinayaang makalapit ang binata. Inilapag nito sa lamesa ang mga dala.
“How’s your mother?” tanon
