NAPANATAG si Rain nang sabihin ng bodyguard na nakalayo na sila sa sumusunod na kotse. Nag-iba sila ng daan at hinarang ng backup nilang bodyguards ang mga ito. Papasok na sila ng mansiyon nang tumawag si Kaiden. Hindi na niya ito sinagot dahil natanaw na niya ang bulto nito sa guard house.
Pagkababa niya ng kotse at kaagad siyang nilapitan ni Kaiden at niyakap. Wala itong pakialam kung nakatingin ang mga guwardiya.
“Are you okay?” tanong nito.
Tumango siya saka dumistansiya rito. Nauna na siyang pumasok ng bahay. Kinausap pa ni Kaiden ang driver at bodyguard. Dumiretso na lamang siya sa kaniyang kuwarto at nagbihis. Humihilab na ang sikmura niya dala na rin ng nerbiyos.
Mamaya ay may kumatok sa pinto. Hindi pa niya naitaas ang pajama ay pumasok na si Kaiden. Naisara naman nito ang pin
