"ALAM mo, Nelle, wish ko lang na sana manalo si Jay-El sa laban niya sa Germany para ng sa ganoon ay hindi ka na umalis pa. Lalo na at ngayon pa lang uli nagsisimula ang love story mo," panunudyo pa ni Shaznei sa kanya.
Katatapos lang nilang mananghalian at nagpapatay na lang ng oras sa kanyang cubicle. May isang linggo na rin ang nakalilipas simula ng magkasakit si Jayden at mangyari muli ang kapusukan sa pagitan nila. At sa tuwina ay palagi niya iyong naaalala kapag nakikita niya ito sa kompanya. Hindi man nito derektang banggitin o ungkatin ang nangyari sa kanila ay palagi naman nitong pinapaalala na mahalaga siya rito. Palaging good mood ito kapag pumapasok sa opisina.
"Ang dami mong alam," pairap niyang wika sa kaibigan. "Kahit manalo si Jay-El ay kailangan ko pa ring magtrabaho sa
