PAGKAKITA pa lang ni Bratinella sa signage na 'Welcome To Santa Bernadita' ay ganoon na lang ang pagkatulala niya sa kinauupuan. Ang lugar na iyon... walong taon na rin halos na hindi siya nakakatapak doon.
"Ibalik mo na ako sa Manila, Jayden," mahina niyang pakiusap. "Ayoko sa lugar na ito."
"And I love this place, Bratzy. Nangako ka sa akin na mag-uusap tayo at makikinig ka sa ano mang paliwanag ko. Sa lugar na ito, gusto kong pag-usapan natin ang dapat pag-usapan. Dito sa lugar na ito at hindi sa ibang lugar."
Napipilan siya sa sinabi nito. Pag-uusapan na pala nila ang nakaraan nila. Nakaraang walang closure. Kinapa niya ang kung ano mang pakiramdam sa dibdib. Wala siyang makapang puot o galit man lang. Nawala na iyon ng ganoon kabilis.
Tahimik na lang na itinuon uli niya ang tingin
