DUX
MASAKIT ang ulo ko nang magising ako. Kumunot ang aking noo dahil sumalubong sa paningin ang ibang paligid. Kung hindi ko nilibot ang mga mata ko at tiningnang mabuti ang lugar na kinaroroonan ko, hindi ko pa matatandaan kung nasaan ako.
Napabalikwas ako ng bangon nang maalala ko na nandito nga pala ako kina Teacher Maureen. Agad ko siyang hinanap sa paligid pero wala siya. Kahit ang katulong na natatandaan kong nagbukas sa akin ng gate kanina ay hindi ko rin makita. Nakakabinging katahimikan lang. Pero may nalalanghap akong amoy ng nilulutong tinola mula sa kusina.
Nagpaluto nga pala si Teacher Maureen ng tinola para sa akin.
Kasabay ng pagkagising ng aking diwa ay ang pagkaalala ko sa huling pangyayari bago ako umalis ng bahay. Tila may bumara sa lalamunan ko nang sumagi sa isip
