BLESSY
HINDI ako magkandaugaga sa pagpilas sa laylayan ng T-shirt ni Dux para itali sa iba pa niyang sugat na walang bandage matapos ko siyang iayos ng higa sa sahig. Mukhang maraming dugo na ang nawala sa kaniya kaya siguro siya namumutla at nawalan ng malay.
Gusto ko siyang ipasok sa basement para makapagpahinga siya nang maayos pero ayaw ko naman na matakot at mag-alala ang mga anak namin kapag nakita siya sa ganitong kalagayan. Binalikan ko lang sandali ang mga anak ko para pagsabihan na huwag lumabas dahil hindi pa tapos ang laro naming na hide and seek.
Natataranta na kinapa-kapa ko sa bawat bulsa ng kaniyang pantalon ang cellphone niya para humingi ng tulong. Kanina pa kasi ako sumisigaw at humihingi ng tulong pero walang dumadating. Inisip ko na baka napatay na silang lahat ni M
