DUX
ALAS DIYES pasado pa lang ay nakaabang na kami ni Izaak di-kalayuan mula sa bahay-bakasyunan ni Dr. Frisco. Balak naming lumapit doon mamaya para masiguro namin na naroon nga ang hinahanap namin. Minsan daw kasi ay bigla-bigla na lang itong umaalis at ilang araw bago umalis ayon sa source ni Izaak. Hindi naman kami puwedeng mag-abang dito hanggang magdamag para sa wala lang. Kailangan din naming makabalik agad sa bahay bago pa mag-umaga at malaman ni Blessy na umalis ako.
Pero hindi kami puwedeng gumawa roon ng gulo dahil mas madidiin kami kapag nabaligtad ang sitwasyon. Mas lalo kaming walang laban kapag naaktuhan kami at makakasuhan ng trespassing.
Mula rito ay tanaw namin ang two-storey house na napapalibutan ng pader na hindi gano’n katayog. Tahimik ang buong paligid. Dalawang i
