BLESSY
HUMAHANGOS kaming dumating ni Dux sa school nang tawagan kami ni Teacher Maureen at sinabi nga niya na nadulas daw sa hagdan si Catriona habang nakikipaghabulan sa mga kaklase. Kahit ilang beses nang siniguro sa amin ng guro na hindi naman malala ang nangyari sa anak namin, hindi pa rin kami mapakaling mag-asawa habang nasa biyahe kami at kausap namin siya sa cellphone.
Mabuti na lang at gasgas sa tuhod at siko lang ang inabot ng anak namin. Pero awang-awa pa rin ako sa kaniya dahil grabe ang iyak niya nang dumating kami dito sa clinic. Nalinis at nagamot naman na ng nurse ang sugat niya. Samantalang hindi naman namin nadatnan si Teacher Maureen dahil sinamahan pa raw nito sa guidance ang dalawang batang kasama ni Catriona.
“Okay ka lang ba, anak? Wala bang ibang masakit sa’yo?
