Harlie
Dumaan na ang ilang oras ngunit hindi pa rin ako dalawin ng antok. Kasalukuyan pa rin ako ngayong naririto sa silid ni Crystal at katabi ko siya sa kama.
Mukhang hindi pa rin siya makatulog dahil kumikilos pa rin siya sa tabi ko. Mukhang may hinihintay pa siya. Di kaya pumupunta si Omer dito sa room niya? Baka sumasalisi si Omer kapag tulog na ang mga tao.
Lihim na lamang akong napangiti. Mahuhuli ko rin kayong dalawa.
Maya-maya'y naramdaman ko na naman ang paggalaw niya. Kasalukuyang nakapikit ang akong mga mata dahil kanina ko pa nga sinusubukang matulog.
Tila umalis siya ng kama at naramdaman ko ang mga yabag niya papalayo.
"Nandito si Tita," dinig kong bulong niya, na siyang ikinakunot ng noo ko.
"I just want to say goodnight," bulong din ng isang boses lalaki na nakila
