38 – Declining
Arabella’s Point of View
“Wow, tan na tan, ‘te ah?” bungad na saad sa akin ni Amber nang magkasalubong kami sa hallway ng univ. “Saang beach ka nagpunta at mukhang enjoy na enjoy kang magbilad sa araw?”
“Just some random beach resort,” tugon ko sa kanya at tipid siyang nginitian. “How’s your weekend?”
“Well, wala, boring,” aniya at nagkibit-balikat. “Nag-abang lang ako na mag-lunes dahil sa wakas ay makikita ko na ang love of my life ko,” dagdag niya at kinurap-kurap ang mga mata saka humagikhik. “Kaya tara na sa klase.”
Nagpahila na lang ako sa kanya papunta sa classroom. At habang hinihintay namin si Lucas na pumasok ay nag-isip ako ng paraan kung papaano ko sasabihin sa kanya ang mga bagay na gusto kong sabihin.
Kagabi lang kami nakauwi, at wala sana akong balak na
