46 – To Save Her
Kanina pa tingin nang tingin si Damian sa cellphone niya. Hindi niya maipaliwanag kung bakit tila hindi siya mapakali. May kung anong nagtutulak sa kanya na silipin nang silipin ang cellphone niya. Tila hindi rin siya mapakali sa kinauupuan niya. Kating-kati na siyang umuwi.
Maya-maya pa’y biglang tumunog ang cellphone niya at nakita ang pagrehistro ng pangalan ni Spade. Walang pagdadalawang-isip niya itong sinagot. Dali-dali siyang lumabas ng silid, “Yes?”
“Boss...” Sa tono pa lang ng boses ni Spade ay alam niyang may nangyari. “Si Miss Ara...” At nang banggitin nito ang pangalan ng minamahal ay doon na kumabog nang husto ang kanyang dibdib. Kahit wala pa mang sinasabi si Spade ay kung ano-anong bagay na ang pumasok sa isipan niya.
Napahigpit ang pagkakahawak niya sa
