47 - Arrival
Nakatayo sa isang malaking salamin at nakatitig sa kanyang sariling repleksyon si Arabella. Suot-suot niya ang isang maganda at mamahaling bestida na tila hinalikan ng puting sutla at niyapos ng ginintuang liwanag. Hapit na hapit ito sa kanyang katawan na tila ba’y niyayapos ang kanyang kabuohan.
Hulmang-hulma ang kanyang mga umbok at kurba, dahilan para lumitaw ang natatangi niyang ganda. Inayos din ang kanyang buhok—tinirintas ito at dinekorasyunan ng iilang ginintuang pang-ipit. Kinulayan din ang namumutla niyang mga labi at itinago ng make-up ang lungkot, lumbay, pighati, at galit sa kanyang mga mata.
Sa paggalaw ng kanyang mga mata ay natanaw niya si Hector na nakatayo sa kanyang likuran habang malapad na nakangisi.
“Sigurado akong magugustuhan ka ng boss ko,” saad n
