44 – Not Yet Done
Halos sumubsob sa damuhan si Arabella habang binabagtas niya ang masukal na daan papunta sa mga kabahayan. Hinang-hina na ang kanyang katawan—nanginginig sa lamig at nananamlay sa pagod. Ngunit pinipilit niyang ihakbang ang kanyang mga paa dahil kailangan niyang ma-contact si Damian. Kailangan niyang mapaalam agad sa minamahal ang nangyari sa kanya dahil sigurado siyang nag-aalala na ito.
Pero hindi pa man siya nakakalapit sa mga kabahayan ay may humabot na ng buhok niya dahilan para mapatili siya sa gulat at sakit. Nakangiwi niyang inabot ang kamay na may hawak sa kanyang buhok. Pilit niya itong inaalis. “Bitawan mo ako! Tulong!” sigaw niya.
Umalingawngaw ang desperado niyang sigaw sa buong paligid, at alam niyang dinig ‘yon ng mga kabahayan.
“Tulong!” sigaw niyang m
