Chapter 133
NAKITA ni Sia ang kanyang sarili na nakatayo sa sobrang gulo at hindi na makilalang lugar dahil nagkakagulo ang lahat. May mga gusaling natutupok ng apoy dahil sa sunog, pinalilibutan siya ng mga bangkay at makapal na usok dahil sa sunog. Naririnig niya ang ingay na paghingi ng tulong ng mga ito, wala na siyang pakialam sa init na para bang sanay na sanay na siya sa pakiramdam na ito. Tinignan niya ang mga kamay nang makitang mahahaba ang marurumi niyang kuko, labas ang ugat na nangingitim na visible sa kanyang balat. Ang lakas ng kalabog ng dibdib niya saka bigla na lang sumakit ang hugis crescent moon sa kaliwang pulso niya.
“Ahhhhh!” sigaw niya sa sobrang sakit saka siya napaupo. Nanginginig siyang sinilip ito nang mapansing dumudugo ito at namumula sa tindi ng sakit na hi
