Chapter 91
HALOS hindi nakatulog nang maayos si Sia nong gabing bumisita si L sa kanila, hindi na niya mabilang ang gabing hindi na siya nakakatulog nang maayos, kaya ang ginawa niya’y bumangon na lamang at nag-asikaso. Pagkatapos niya roon ay agad na siyang tumulong sa mga kasama niya, nararamdaman niyang nag-aalala rin ang mga ito ngunit hindi na lamang nila ito pinag-usapan, katulad nang dati lalo na nang papaumaga na, isa-isa na namang dumadagsa ang mga kakain sa bulwagan para sa araw na iyon.
Paglabas niya ng kusina agad niyang hinatid ang isang tray sa isang lamesa kung saan may mga nag-meeting na mga lalaki roon tungkol sa isang trabaho, pagkalapag niya roon bigla na lamang siya nakaramdam nang kaba, kaya napahigpit ang hawak niya sa tray.
‘Huwag naman sana,’ bulong niya sa kanya
