Chapter 131
SA paglilibot ni Sia sa paligid lalo na’t walang masyadong kumakausap sa kanya roon sa tribo hindi niya namalayang napadaan siya sa tent kung saan nagpapahinga ang batang sanggol na anak daw ni Kalen sa pagkakaalam niya.
Sumilip siya at wala siyang masyadong nakitang naroon para sa pagbabantay ng bata at wala rin siyang naririnig na ingay na kung ano kaya hinawi niya ang telang pinto saka siya pumasok na tuluyang lumuwag ang paligid para sa kanya. Nilibot niya ang tingin niya sa loob hanggang sa matanaw niyang muli ang crib ng bata, unti-unti siyang lumapit doon ang akala niya wala roon ang bata ngunit bahagya siyang nagulat nang makitang naglalaro ang batang inosente sa crib nito.
Hindi niya maiwasang mamangha at makaramdam na naman na para bang may kulang sa kanya nang ma
