Chapter 130
HINDI pa rin makapaniwala sila Tabitha at Kier sa nalaman nilang binalik si Euphrasia sa Miram para mamuno. Hindi nila matanggap na naungusan na naman sila ng mortal nilang kaaway. Malalim na nag-iisip ang dalawang magkasintahan, mga plano na dapat nilang gawin at mga hakbang na dapat matupad bago pa mahuli ang lahat.
“Ano nang gagawin natin?” tanong ni Tabitha kay Kier habang magkaharap sila sa bintana sa labas ng balkonahe ng kanilang silid. “Kung tinapos na siya noong una pa hindi ito mangyayari, paano natin maipapaalam kay tenebris dominus na kaaway natin ang pamangkin ko? Hindi siya basta maniniwala lalo na’t mukhang may koneksyon ang dalawa, hindi ililigtas ng ganito ni tenebris dominus ang babaeng iyon kung walang ibinigay kapalit ang pamangkin ko sa tenebris dominus.
