Chapter 98
‘Hindi ko maaring ipahamak ang mga kasama ko, umaasa pa sila sa pamumuno ko, anong gagawin ko kung hindi ko maaring gamitin ang kapangyarihan namin para iligtas silang lahat? Ayokong mapahamak sila sa padalos-dalos ko!’ nagtatalo ang isipan ni Sia kung ano ang maari niyang gawin para maresulba ang problema nila ngayon, walang maaring makaalam kung sino nga ba sila lalo na si Elrich.
“AHHH!”
Muling hinampas ng tubo sa binti si Geo at kinokontrol niya na hindi makaganti kahit pa kaya niyang ipagtanggol ang kanyang sarili.
“Tama na!” hagulgol ni Yannie habang yakap ni Tate.
Muling pinagdiskitahan at pinagpasa-pasahan si Geo ng mga ito.
“Akon ang bahala sa isang ito,” mayabang na wika nong isang may benda sa ulo, papalapit na sana ito kay Elrich nang agad na lumapit si Sia pa
