Chapter 81
Agad kong tinangala kung sino ito, namilog ang mga mata ko nang makita siya, “anong ginagawa mo rito?” tanong ko sa kanya habang pilit pa rin niya akong hinihila, may balot takip pa ring tela ang paligid ng mata niya ngunit nagtataka ako at para bang nakikita pa rin niya ako.
“Kumapit ka lang,” nahihirapan niyang sagot.
Kaya mas lalo kong hinigpitan ang pagkakahawak ko sa kanya, mas lalong lumalakas ang dasal mula sa baba at mas lumalakas ang hila. Ngunit siya pa ata ang mapapahamak sa ‘kin nang tuluyan na akong nahila paibaba nang kung anong kapangyarihan at pwersa meron doon, dahil magkahawak kami tuluyan ko rin siyang naisabay sa pagbagsak ko.
Naging alerto siya, habang nasa eri kami agad niya akong hinila papalapit sa kanya kaya yumakap ako ng mahigpit, doon ko lang nara
