ISANG taon na ang lumipas pagkatapos ng kasal nina Azrael at Angela sa Pilipinas at Japan. Natuloy ang plano ni Angela na resort business at si Azrael mismo ang nagplano ng facilities ng resort.
Doon na rin niya naisilang sa Japan ang panganay nilang lalaki, si Baby Akira. She loves Japanese name, and Azrael supported her. Hands-on din ito sa pag-aalaga sa anak nila, at halos wala na siyang gagawin. Mas maasikaso pa ito sa bata kumpara sa kan’ya.
Lunes ng umaga ay sumama silang mag-ina kay Azrael na bumiyahe papuntang Pilipinas. Magbabakasyon din sila ng ilang araw. May private jet naman sila kaya anytime ay tinatawid-tawid nila ang Pilipinas at Japan. Lumago pa ang investments ni Azrael kaya barya lang dito ang pasweldo sa piloto at personal flight attendants nila. May sariling chef di
