NATAPOS na ang construction ng munting bahay ni Angela. Namangha siya sa bilis magtrabaho ng contractor niya, palibhasa high-tech ang mga gamit at talagang nagdagdag ng manpower. Dalawang kuwarto lang naman ang bahay, bungalow. Ang susunod niyang ipapagawa ay mga accommodation ng resort. Gusto niya native materials ang gagamitin para sa cottages.
Kauuwi lang nila mula ospital. Sinamahan talaga siya ni Eric sa check-up niya at nataong nagbakasyon ito roon. Binisita siya nito at naghatid ng pasulubong mula Pilipinas. Na-takeover na nito ang rights ng Assassin’s Club at nakuha ang tiwala ng ibang branch directors.
Kung kailan papasok na ang kotse sa gate ay napasulyap siya sa dilaw na taxi na nakahinto sa kabilang kalsada. Bahagyang nakababa ang bintana sa backseat nito. Napako ang tingin n
