PINAGMAMASDAN lamang ni Martina si Dario habang kinukuha ang pagkain niya. Lumapit ito sa kanya dala ang tray ng pagkain saka ito umupo sa kanyang tabi sa kamang kinaluklukan niya.
"Kahit naman nakuha ko na ang loob mo ay hindi kita puwedeng hawakan sa leeg. Kailangan ko pa ring respetuhin ang desisyon mo. I'm prepared to accept rejections. I don't have rights to own you, because you still have choice and rights to decide. So, you're free to leave me anytime now and you can choose Jake," mamaya ay sabi ni Dario.
Mariing kumunot ang noo niya. Ano ba ang pinagsasabi nito? Matapos nitong kunin lahat ng atensiyon at panahon niya ay bigla siya nitong palalayain nang ganoon lang?
"Ano ba ang sinasabi mo? Ikaw ang dahilan kung bakit tuluyang naglaho ang pag-ibig ko kay Jake. Magmula noong duma
