DAHIL sa labis na pananabik ay hindi nakatulog nang maayos si Martina. Ngayong isang oras na lang ay ikakasal na sila ni Dario sa huwis ay lalo lamang siya hindi mapakali. Kahit hindi siya kinakausap ng Nanay niya ay nararamdaman pa rin niya na inaasikaso nito ang kasal niya. Hindi nakapalag si Dario nang hilingin ng Nanay niya na sa isang kilalang resort sa bayan nila gaganapin ang seremonya. Hindi ito private resort katulad ng gusto ng lalaki. Pero ang hiling ni Dario na gabi gaganapin ang kasal ay naisakatuparan.
Hindi rin nakatanggi si Dario nang mag-imbita ng maraming bisita ang mga magulang ni Martina. Ngunit kinakabahan si Martina sa set up ng kasal na sa tabing dagat at open sa mata ng karamihan, kahit pa exclusive ang area para lang sa kanila. Gayunpaman ay may ilang alagad ng ba
