PINAGNINILAYAN ni Martina si Dario at Mark na nag-uusap sa sala. Alas-onse na ng gabi at kanina pa niya pinipigil ang antok. Binabantayan kasi niya si Dario baka kung ano na naman ang makain nito. Mabuti naman red wine lang ang pinagsaluhan ng mga ito. Mag-isa siyang nakaupo sa sofa na katapat ng telebisyon. Samantalang ang dalawang lalaki ay nasa kabilang sofa. May pagkakataon na nakakapikit na siya at hindi mapigil ang pagyuko.
"Tina, bakit hindi ka pa matulog?" tanong ni Mark.
Napakislot siya. Awtomatikong sinipat niya ang Kuya niya. Nagulat siya nang wala na sa tabi nito si Dario. Bumalikwas siya ng tayo.
"S-Si Dario?" balisang tanong niya.
"Lumabas lang sandali. Pumasok ka na sa kuwarto mo at itulog mo na iyang namumungay mong mga mata," ani Mark.
"P-Paano si Dario?"
"Doon na s
