"Ivory, hija, kumain ka na. Sige na, baka kung mapaano ka pa, e. Dalawang araw ka ng hindi kumakain. Nag-aalala na kami sa'yo. Ito si Ivo, o. Nag-aalala din ito panigurado."
Marahang iniangat ni Ivory ang tingin at bumungad sa kanya ang inosenteng mukha ni Ivo na nakatingin sa kanya.
Bahagya siyang ngumiti at inabot ang maliliit nitong kamay. Hinalik halikan niya ang iyon at itinapat sa kanyang pisngi.
Nakahiga lang siya sa kama habang nakaupo si Sally sa gilid niya at karga karga si Ivo.
Bumuntong-hininga siya at umupo sa kama. Damang dama niya ang pamumugto ng kanyang mga mata. Mahapdi na iyon at halos hindi na niya maibuka ang kanyang mga mata. Siguro dahil dalawang araw na rin siyang nakaganoon.
Napatitig siya kay Ivo. Huminga nang malalim si Sally at hinawakan ang kanyang ka
