Natapos ang araw na iyon sa pag-sho-shopping nila ni Xamuel. Kakilala ni Xamuel ang may-ari ng brand kaya mapapadali daw ang mga deliveries, in time para sa pagde-decorate ng kwarto ni baby. Mas lalong natuwa si Ivory nang sinabihan siya ni Xamuel na pwede siyang maging hands on sa pag-de-decorate ng kwarto ng bata. Mas excited pa nga siya kay Xamuel.
"Hey, you okay?" Ngumuso siya at humarap kay Xamuel. Ngumiti siya at tinanguan ito.
Katatapos lang nilang mag-breakfast at nasa couch sila ng living room. Kaharap ni Xamuel ang laptop nito habang siya ay nagbabasa ng magazine. Naka-in din ang TV pero naka-minimum volume naman iyon.
"Bored ka na?" tanong nito habang nagta-type sa kanyang laptop.
Bumuntong-hininga lang si Ivory. Napansin iyon ni Xamuel kaya napangiti ito at saka tumayo.
