Nagising si Ivory kinabukasan dahil sa amoy ng hotdog. Kumunot ang kanyang noo at kusot kusot ang mga matang bumangon. Para siyang naalimpungatan sa pagkakabangon.
"Good morning." Narinig niyang sambit ng isang lalaki. Kumunot ang noo niya at napabaling sa may bedside table.
Doon niya nakita si Xamuel na nakaupo sa may paanan niya at ang kaninang naaamoy niyang hotdog ay nasa isang tray na nakapatong sa kanyang bedside table. May kasama iyong scrambled egg, toasted bread, pancake at sliced apples.
"Ano ito?" takang tanong niya.
"Breakfast in bed. For you," nakangiting sabi ni Xamuel. Ngumuso siya at napangiti na rin.
Bahagya itong dumukwang sa kanya at hinalikan siya nito sa ulo tapos hinaplos pa ang kanyang tiyan.
"Can't wait to see you little one…" Dinig niyang sambit nito sa
