Chapter 24
Amarha's P. O. V.
Kinabukasan paggising ko ay sumama na naman ang pakiramdam ko at nasuka sa sink. Nakaramdam ako kaagad ng gutom kaya nagtungo ako sa kusina. Nanlaki naman ang mga mata ko nang maamoy ang napakabangong cookies.
Lumabas naman ng kusina si Manang kaya hinarang ko siya.
"Nandito na ba si Daniel?"
"Wala pa, Amarha. Si Nathaniel ang nasa kusina," sagot niya.
Lumakad na si Manang palayo sa akin at napahalukipkip naman ako. Talagang pursigido siya? Kagabi pa ba niya ginagawa iyon? Hindi ba siya natulog?
"Amarha, mamimili lang ako ng pagkain. Ubos na ang stock natin. Mamamalengke muna ako, pakisabi na lang kay sir Nathan," ani Manang.
"Sige po, mag-iingat po kayo," ani ko.
Umalis na si Manang kaya nagtungo na ako sa kusina. Nakita ko si Nathaniel na binabalik
