LEO
Wala akong narinig mula kay Andrew ng sabihin ni Yara na dito na ako kumain at magpalipas ng gabi. Syempre, natuwa ako sa gusto ng asawa ko dahil heto naman talaga ang plano ko mula kanina.
Kahit na umayaw siya at humarang pa si Andrew ay wala siyang magagawa. Dito lang ako kasama ng mag-ina ko.
Matapos ang hapuanan ay pinapunta ko ang ilang tauhan ko para magbantay malapit sa bahay na tinutuluyan ni Yara. Lahat ng proteksyon na kaya kong ibigay ay gagawin ko masiguro ko lang ligtas ang mag-ina ko sa panganib.
Tahimik lamang si Yara ng sabihin ko na matutulog ako kasama sila. Alam ko na sa una nag-aalala si Yara kaya pinakita ko sa kan'ya ang mga larawan namin na meron ako sa cellphone ko kasama na rin ang ilang picture na kinuha ko sa cellphone na naiwan niya.
Ito ang mga bagay n
