LEO
Heto at para akong babysitter ng lasing na kapatid ko. Nasaksihan ko ngayon kung paano naging mahina si Lyndon na ngayon ay tinulungan ko na makahiga sa kama niya.
Pinilit ko na mai-akyat ito sa silid n'ya dahil ayaw ko na mag-alala si mommy oras na makita niya ang kondisyon ng paboritong anak na lasing na lasing at nasa ganitong stado. Tinawagan ko rin si Liam para ipaalam dito na may problema ang kapatid namin at nangako naman na dadaan dito paglabas ng opisina. Syempre pa bago mangyari ito ay magpapaalam daw muna sa asawa.
Tinotoo naman nito ang sinabi dahil alas singko pa lang ay dumating na ito. Napag-usapan namin na alamin at kilalanin ang babaeng kinahuhumalingan ni Lyndon dahilan kaya ito nagkakaganito. Baka sakali kasi na may magawa kami at makatulong na magkaayos ang dala
