"Gael paano ba kayo nagkakilala ni Anya?" Tanong ni Donna. Hindi kasi s'ya agad nakasagot. Hindi naman n'ya alam ang isasagot n'ya.
"Nahihiya s'ya eh," dagdag ni Donna.
Liningon n'ya si Gael sa kabilang mesa. Ngumiti ito sa kanya at tumayo mula sa pagkakaupo. Lumakad ito palapit sa kinauupuan nila, habang nakatingin sa mga mata n'ya. Lumakas bigla ang kabog ng dibdib n'ya habang palapit sa kanya si Gael. Naroon nanaman ang kakaibang kaba at excitement.
"We met sa Colegio de San Sebastian. Estudyante s'ya doon, tambay naman ako," may pagbibirong sagot ni Gael at pinatong ang mga kamay nito sa balikat n'ya. Napangiti s'ya sa sagot ng asawa.
"I knew it, tirador ng highschool 'yan eh," narinig n'yang sabat ng isa sa mga lalake.
"Kung ganito naman kaganda ang highschool aayaw ka?" Biro ni
