Nakailang sukat na s'ya ng damit sa loob ng bathroom, pero wala pa rin s'yang makitang bagay sa kanya. Nais kasi n'yang maging maganda at kaakit-akit sa paningin ng asawa. Isa pa nais n'yang huwag magpatalbog kay Lyn. Maganda si Lyn at marunong manamit kaya kailangan mapantayan n'ya ito. Lalo na masyadong obvious si Lyn sa pagpapahiwatig kay Gael.
"Anya, hindi ka pa ba tapos d'yan?" tinig ni Gael sa likod ng pintuan. Kanina pa kasi s'ya sa loob at marahil naiinip na ang asawa. Halos naisukat na kasi n'ya lahat ng dala n'yang damit.
"Malapit na," sagot n'ya sa asawa nang matapos maisuot ang huling damit sa bag.
Isang maxi tube dress 'yon na umabot sa may sakong n'ya ang haba, may slit naman ito sa kabilang side na abot hanggang sa may hita n'ya. Saktong nagpapakita ng kanyang magandang b
