"Anong pinag-usapan nyo ni Mr. Saavedra ah Anya?" Tanong ng tiyahin, matapos makaalis si Gael.
"Wala po," tipid na sagot n'ya. Pasimpleng sinulyapan si Ariel na pangiti-ngiti habang kumakain. Alam n'yang nakita sila ng kapatid kanina na naghahalikan ni Gael, kaya naman hiyang-hiya s'ya sa kapatid. Baka kung ano ang isipin nito. Napakabata pa naman ng kapatid n'ya para makita ang ginagawa nila ni Gael.
"Anong wala!" Sabay hampas sa kanya sa balikat.
"Aray naman t'yang!"
"Ano nga kasing pinag-usapan n'yo eh?" inis na tanong ng tiyahin.
"Tungkol lang ho sa trabaho sa ospital," pagsisinungaling n'ya. Mabilis na tumayo mula sa maliit na mesang hapag kainan nila.
"Sa ospital? Wala man lang bang ibang dahilan?"
"Wala ho t'yang," sagot n'ya at nagtuloy sa kusina. Hindi n'ya pwedeng sabihin
