Magulo ang isip n'yang umuwi. Hindi alam kung ano ang iisipin at ano ang gagawin? Ayaw n'yang maipit kina Gael at Julia. Alam n'yang ang mga Saavedra at Santillan ang may-ari ng ospital na pagtatrabahuan n'ya. Kaya hangga't maaari sana ayaw n'yang ma involve kina Gael at Julia. Dahil malaking gulo kung nagkataon ang papasukan n'ya.
"Hoy Anya! Saan ka ba nagpupupunta! lakwatsa ka ng lakwatsa! magluto ka nga muna!" Galit na salubong ng tiyahin sa kanya. Mariin s'yang tumango at tumuloy sa loob ng bahay. Napansin n'yang wala sa loob ang kapatid.
"Asaan po si Ariel?"
"Haba malay ko! Baka naglalakwatsa din tulad mo!" Galit pa ring sagot ng tiyahin. Hindi nalang s'ya kumibo. Tumuloy na s'ya sa kusina para makapagluto. Nakita n'yang wala namang mailuluto sa kusina. Nagkibit balikat s'ya, at na
