Bente minutos na yata s'yang nasa lobby at naghihintay kay Gael. Ilang beses na rin n'yang sinulyapan ang cellphone kung may text ito sa kanya, pero wala pa rin. Nais na n'ya itong tawagan pero nagdadalawang isip s'ya na baka hindi masagot ng asawa dahil busy ito.
Bumuntong hininga s'ya at sinandal ang likuran sa upuan sa may lobby. Halos nakapag uwian na ang mga kaibigan n'ya sa trabaho kaya wala s'yang makausap man lang roon.
"Sino ba ang babaing 'yon at bakit hindi maiwan-iwan ni Gael?" Bulong na tanong n'ya sarili at muling sinulyapan ang cellphone. Wala pa rin. Naiinip na s'ya at nagsisimula na s'yang mairita. Hindi gawain ni Gael na inuuna ang iba maliban sa kanya at kay Gideon. At kung sino man ang babaing 'yon natitiyak n'yang malapit ang babae sa asawa n'ya.
"Anya, hindi ka pa
