“Ang ganda mo, Ate Anya,” puri ng kapatid nang pumunta na sila sa munisipyo para ikasal ni Gael.
Hindi ito ang inaasahan niyang kasal nila ni Gael. Ang plano kasi ni Gael, bongga at saksi ang mga magulang at mga kapatid nito. Pero dahil na rin sa biglaang pagsulpot ng kapatid ni Gael na si Giovanni, kinailangan pakasalan siya agad ni Gael, kung bakit ay hindi pa niya alam.
Natatakot kasi siyang magtanong kay Gael dahil laging mainit ang ulo nito. Isa pa, wala siyang karapatang magtanong o magreklamo, dahil binabayaran siya ni Gael para gawin ang lahat ng gusto nito.
Tanging ang tiyahin lang niya at si Ariel ang saksi sa kasal nila ni Gael. Wala ni isa sa mga kapatid ni Gael ang umattend, lalo na ang mga magulang ni Gael. Alam niyang hindi siya basta-bastang matatanggap ng mga magulang
