Hindi niya alam kung paano sila nakarating ni Gael sa kompanya, dahil sa hindi nila mapigilang gawin sa loob ng kotse. Ewan niya kung bakit hindi niya nagawang tumutol kay Gael nang halikan siya nito.
Alam niyang kasal na sila at nasa kay Gael na ang lahat ng karapatan sa kanya. Pero gaya nga ng sinabi niya noong una, hindi kasama ang pagsilbihan si Gael sa kama nito. Pero sa tuwing malapit si Gael sa kanya, hindi naman niya mapigilan ang sarili. Kusang bumibigay ang katawan niya sa mga yakap at halik ni Gael, bagay nais niyang kainisan sa sarili.
Pero ano bang magagawa niya? Kahit sino maaakit sa isang Gael Saavedra. Siya lang marahil ang nagsasabing ayaw niyang may mangyari sa kanila ng asawa. At nakakasigurado siyang kung may makakarinig sa kanya ay pagtatawanan siya nang gusto sa k
