Matapos siyang ipakilala ni Gael bilang asawa nito, binati naman siya ng mga naroon, puwera lang sa ama ni Julia, na agad ding umalis matapos ang meeting. Alam niyang nasaktan ito para sa anak na si Julia. Kaya lalo siyang nakakaramdam ng lungkot.
Naiwan silang mag-asawa at mga kapatid nito at ama ng mga ito sa loob ng silid.
“Anong kalokohan ito, Gael?!” galit na sigaw ng ama ni Gael nang sila na lang ang nasa silid. Napakislot siya. At natakot sa ama ng asawa.
“Bakit kayo nagpakasal na hindi man kami inaabisuhan? Paano mo nagawa ‘yan sa mama mo!” galit na sabi ng papa ni Gael na halos umalingawngaw sa malaking silid ang boses nito.
Pasimple niyang lumingon sa mga kasamang lalaki roon. Relax lang naman ang mga ito, hindi mababakasan ng ano mang takot. Samantalang siya, tila siya hihi
