Kinabukasan nagising ako na masakit ang ulo dahil kakaiyak. Naligo muna ako bago bumaba at dahil tanghali na ako nagising ay tapos na sila kumain. Hindi na naman ako kakain, wala akong gana.
Tahimik akong dumiretso sa sala at nakitang andoon ang mga anak ko. Si Aeolus ay nasa tapat ng bintana at may kausap. Seryosong seryoso siya, tinatapik tapik niya rin ang kaniyang point finger sa kaniyang baba.
Nakaupo si Twyla sa couch habang si Trixie naman ay sobrang likot, pabalik balik sa harap ng Ate niya at nag-iingay pa. Nagpaparamdam ata na gustong makipaglaro sa Ate niya. Pero hindi naman siya pinapansin ng Ate niya. Tahimik lang si Twyla habang masama ang tingin sa kapatid.
Lalapitan ko na sana si Trixie nang bigla itong itulak ng Ate niya. Nanlaki ang aking mata dahil tumama ang ulo nit
