Ang Huling Kabanata
Nang malaman ni Zach ang katotohanan hindi na siya nag-aksaya ng oras at agad siyang dumiretso sa CAB, halos hindi na niya na iparada ng maayos ang kotse niya sa harapan ng gusali, hapon na at malapit nang magdilim, kailangan na niyang maayos ang lahat, isang piraso na lang puzzle ang kailangan at mabubuo na niya ang lahat ng nangyayari.
Nagtatakbo siya paakyat sa gusali, nang makarating siya sa ikatlong palapag, wala siyang nahanap na kahit na sino, sinubukan niyang buksan ang bawat pinto sa palapag na ‘yon pero hindi niya mabuksan, hingal na hingal siyang tumigil sa gitna ng paghahanap niya, maaring maulit na naman ang lahat, kailangan niyang magmadali pero para siyang naghahanap ng isang bagay sa madilim na silid, na kahit na anong hanap niya ay hindi niya ito maki
